اتمنى تشاركون كلكم وخلينا نشوف الخيال وين بيوصل بيكم
لو مثلا انتي كنتي طفشااااانه ونايمه الظهر ويوم قمتي لقيتي اهلك صاحين وجالسين يتغدوون جلستي معاهم وانتي واصلة معك ومقفله(اصلاً متى صرتي رايقه) الا امك تناظرك وتضحك وانتي كل شوي تعدلين بشكلك تحسين فيكي شي غلط ويوم خلص ابوك من الغداء وقام هو واخوانك
التفتت عليكي امك وقالت لك :مبرووووك يابنيتي
انتي : مبروووك على ايش (طفشانه ومالك خلق وقافله ودك بزقاره
خخخخخخخخ)
امك : اليوم كلمتني حرمه تبيك
طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك خجول وبتقولين
انتي : وش تبي الحرمة (انواع الاستهبال ايه هين علينا)
امك : تبيك تكنسين حوشهم وش تبي يعني تصور مع خشتك
لوووووووووووووووووووووووووووووول
انتي : يعني تبي تخطبني (مقطعتها البرائه ...)
امك : ايه وش قلتي
انتي : ماابغى اعرس (احلى يالقويه مسويه فيها مايهمك لو ماتستحين كان طبيتي من سطحكم من الفرحه )
امك : طيب برسله لبنت خالك ( حشا صاااار ايميل مو ولد )
انتي : ياحليلك يمه تراني امزح على طول تصدقين
(عاد انتي ماصدقتي يجيك واحد يخطبك انتي وهالكشره ) خخخخخخخخ
المهم بعد يومين دقت ام المعرس
ام المعرس : الووووو (متحمسة) وولدها جنبها
امك : الوووووو
ام المعرس : وشلونكم
امك : طيبين
شكلي بطولها المهم بوصلكم لل**دة (صارت مكرونه بالباشميل )
ام المعرس : وش قلتوااااااا
امك : موافقين
ام المعرس : اجل ترى يوم الخميس بيجي ولدنا يشوووف بنتكم
امك : اوكي ( عادي امك متطورة تعرف انجليزى ذابحتها قناة ام بي سي 2 )
المهم خلصوووووو وانتي بدا قلبك يقول طمبق طرنق طربق اليوم الاثنين ويوم الخميس قريب
سؤااااااااالي هنا!!!!!!
ابغى اعرف وش بتسوين من يوم الاثنين للخميس ويوم الخميس بالذااااات وش بتسوووووين ؟؟؟؟؟؟؟
او انت ياولد لو انت الي راح تشوف البنت وش راح تسوي ؟؟؟؟؟؟؟؟
والصراحه واجبه عادي كلنا اخوات واخوان ما في احد غريب
يلا لا تبخلوا عليا بردودكم
البوابة 
الرئيسية 
التسجيل 
دخول 
موضوع: سؤال محرج للشباب والبنات 
